راشد بھائی “آلات برائے بقائے بنی نو ع انسان” کی اصطلاح بہت خوب ہے۔ وارث صاحب، مشتاق احمد یوسفی بلکل سچ کہتے ہیں۔ اسماعیل بھائی، ناظم صاحب سے ضرور پوچھنا چاھیے کہ وہ کون سی گالی تھی، اب تو ہمیں بھی جاننے کا تجسس ہے اور ریاض صاحب، وظیفہ زوجیت حاصل کرنے کا استعارہ تو بہت خوب ہے۔

ہم تو اسی میں خوش ہیں کہ اس موضوع پر ہونے والے تبصرے بھی مغلظات کی چاشنی سے محروم رہے

لیکن آپ دیکھیں گے کہ “آلات برائے بقائے بنی نو ع انسان” کو “سخت سستی” کے ضمن میں غیر معمولی اہمیت حاصل ہے اور اس میں مشرق و مغرب کی قید بھی نہیں بلکہ قدامت پسندوں اور ترقی پسندوں کو بھی اس ایک نکتے پر مجتمع کیا جاسکتا ہے۔ اسی وجہ سے طبی اور غیر طبی مجلوں میں ان زیریں اعضائے مخصوصہ کو علحیدہ علحیدہ ناموں سے جانا جاتا ہے تاکہ زبان کا ارتقاء انسانی صحت کے معاملات میں مخل نا ہو۔
بہر حال آپ نے زبان کے ایک ایسے گوشے کو کریدا ہے جو بازار حسن کی طرح ہر زبان میں موجود ہوتا ہے لیکن لوگ اس پر بات کرنا پسند نہیں کرتے۔

ایسی ہی ایک عجیب صورت حال کا سامنا ہمیں اس وقت کرنا پڑا جب ہم جمعیت سے وابستہ تھے۔ اجتماع کارکنان میں ایک کارکن کی طرف سے شکایت کی گئی کہ ایک دوسرے کارکن نے کسی جھگڑے میں ان کو گالی بکی ہے ۔ ناظم صاحب کی طرف سے واقعہ کی تفتیش کے لئے دو رکنی کمیٹی بنائ گئی جس کا ایک رکن راقم اور دوسرے ناظم صاحب خود تھے۔ ھم نے بہتیرا معاملے کو ٹالنے کی کوشش کی مگر ناظم صاحب بضد۔ بہر حال ہم مبینہ طور پر گالی کھانے والے (پتہ نہیں اس کے لئے “مگلول” کا لفظ استعمال کیا جاسکتا ہے یا نہیں ) پہنچے ۔ ناظم صاحب نے استفسار کیا کہ کون سی گالی بکی تھی ۔ جواب ملا کہ بک کر نہیں سنا سکتا۔ ناظم صاحب نے کہا کہ پرچہ پر لکھ کر دے دو۔ ہم اپنا سر پکڑ کر رہ گئے۔ پہتیرا روکنے کی کوشش کی۔ قصہ مختصر ہماری تو اس پرچے کو پڑھنے کی ھمت نہ ہوئی اور ابھی تک ہمارے لئے یہ راز ہی ہے کہ وہ گالی کون سی تھی۔