اردو اصطلاحات کا مسئلہ کافی پچیدہ ہے اور بہت سے اربابِ حل و عقد کی سوچوں کا محور رہا ہے، حسنِ اتفاق سے حکومتِ پاکستان کی بھی ان میں شامل رہی ہے، نتیجہ وہی جو ایسے کاموں کا حکومتی سطح پر نکلتا ہے۔

میرا ذاتی خیال یہ ہے کہ مخلتف علوم و فُنون مع سائنس کی جو اصطلاحات اردو میں رائج ہو چکی ہیں اور کثیر الاستعمال ہیں ان کا اردو ترجمہ نہیں کرنا چاہیئے کیونکہ عموماً ایسی اصطلاحات کا عربی ترجمہ کیا جاتا ہے جو الفاظ کو مزید ادق اور مشکل اور بعید الفہم بنا دیتا ہے، مثلاً ایک عام لفظ ہے لاؤڈ اسپیکر اس کا ترجمہ کیا گیا تھا آلہ صوت المکبر و علی ہذا القیاس۔ اسی طرح ایک دفعہ سکول کی سطح کی ایک سائنس کی اردو کتاب میرے ہاتھ لگی، یقین مانیے جو ایک بھی پیرا سمجھ میں آیا ہو، اس میں ایٹم اور مالیکول، نیوٹران وغیرہ وغیرہ کا بھی ترجمہ کر دیا گیا تھا جو بالکل سمجھ سے باہر تھا۔

سو میرا خیال یہی ہے کہ کثیر الاستعمال اصطلاحات کا، آپ کے ہی الفاظ میں، بالجبر ترجمہ نہیں کرنا چاہیے باقی رہا مضمون تو اسکی بنت و بندش و اسلوب تحریر آسان اور سادہ اور عام فہم زبان میں ہو تو کیا کہنے یا اردو اصطلاح کے ساتھ اسکا انگریزی متبادل بھی ہو تو نورً علی نور والی بات ہے یا اگر سبک و رواں قسم کی اصطلاح مل جائے تو ضرور استعمال کی جائے مثلاً لاؤڈ اسپیکر کو ہی فارسی میں بلند گو کہا جاتا ہے لیکن افسوس اردو میں بلند گو کا بھی رواج نہیں ہے فقط لاؤڈ اسپیکر ہی چلتا ہے۔

آپ بھی کہیں گے کہ میں لاؤڈ اسپیکر کو ہی لیکر بیٹھ گیا تو کیا کروں بھائی کل رات گھر کے باہر مولویں نے لاؤڈ اسپیکر پر باوجود پابندی کے وہ اودھم مچایا کہ میں مسلسل لاؤڈ اسپیکر بنانے والے پر صلوة بھیج رہا ہوں۔
🙂
والسلام مع الاکرام

وارث صاحب، حوصلہ افزائی کا شکریہ۔ ان تکنیکی مضامین کو لکھنے میں سب سے بڑی دشواری یہ ہے کہ اصطلاحات تمام کی تمام انگریزی میں‌ ہوتی ہیں اور انکا بالجبر ترجمہ اکثر و بیشتر معنویت کھو دیتا ہے۔ جوں کا توں انگریزی میں‌ درج کردینے میں‌یہ امر آڑے آتا ہے کہ مضمون پھر کچھ ملغوبہ سا بن جاتا ہے اور قاری دلچسپی کھو دیتا ہے۔ آپ متعدد اللغات آدمی ہیں، اس سلسلے میں تجاویز سے آگاہ کرتے رہئے گا، رہنمائی کی درخواست ہے۔

عامر شہزاد صاحب، پسندیدگی کا شکریہ

برادرم شاکر، تبصرے کا شکریہ

۔‌آپ نے درست کہا کہ اب این ایل پی یا نیچرل لینگویج پراسسنگ کے الگارتھم مشین لرننگ اور شماریات کی اصناف کو استعمال کرتے ہوئے بنائے جاتے ہیں خصوصا لیبلنگ، خلاصہ جات اور مشینی ترجمے کے الگارتھم کا تو دارومدار ہی غیر معرفانہ سیکھنے کے عمل پر ہوتا ہے۔ ذخیرہ الفاظ اور مارفالوجی کے لئے گو ایکسپرٹ سسٹم اور ماہرانہ رائے کی ضرورت ہوتی ہے لیکن این گرام اینالیسز کی کامیابیوں کے بعد سیمی سپروائزڈ لرننگ نے انسانی مداخلت کو کافی حد تک کم کردیا ہے۔ میں نے سیاق و سباق کے زمرے میں اس کی طرف ضمنا اشارہ کیا تھا لیکن اپکے سوال کا شکریہ کہ اس پر مزید تفصیل سے بات ہو سکی۔

آپ اس زمن میں خاصا کام کرچکے ہیں، اگر کوئی جامع تحقیقی مقالہ جات کا حوالہ دینا چاہیں تو ضرور بتائیں تاکہ قارئین کے علم میں اضافے کا باعث ہو۔

بلکل زیرہ جی صاحب، یو ٹیوب کا ریکیمنڈر سسٹم بھی مشین لرننگ کے الگارتھمز کے اصول پرہی کام کرتا ہے۔ نیٹ فلکس نے کچھ عرصہ پہلے ریکیمنڈر سسٹم کا ایک مقابلہ کروایا تھا جس میں ایک ملین ڈالر کا انعام ایسے سفارشی نظام کو دیا گیا جس نے بہترین کارکردگی کا مقابلہ کرتے ہوئے ٹیسٹ ڈیٹا سیٹ پر اعشاریہ آٹھ پانچ آر ایم ایس ای سے کم کا اسکور دیا تھا۔ اگر آپ کو اس مضمون سے شغف ہے تو ان تحقیقی مقالات کا مطالعہ سودمند ہوگا۔ مضمون کی پسندیدگی کا شکریہ۔