عزیزم کمال صاحب، آپکے تبصرے اور ان کتب کی فہرست سے آگاہی کا بہت شکریہ۔ اوور ٹایم کا لگانا تو جوے شیر کے مترادف ہے کیونکہ راقم ڈاکٹریٹ کا طالبعلم ہے اور اس مصروفیت کے ساتھ ہفتے میں ایک کتاب ختم کرنا ہی ممکن ہے۔ لیکن میں نے مستنصر حسن تارڑ صاحب کی یہ تمام کتب اپنی ایمزن کی فہرست آرزو میں ڈال لی ہیں اور انکو انشااللہ جیسے ہی موقع ملا پڑھنے کی کوشش کروں گا۔ اگر آپ اس مضمون کا حوالہ نا دیتے تو واللہ اعلم کب تک اس ذخیرہ ادب سے آگاہی نا ہوتی، آپ نے بجا فرمایا کہ ہم عموما اردو، انگریزی، فرانسیسی اور روسی ادب جو اردو میں ترجمہ ہو ہے اس سے تو واقف ہیں لیکن جاپانی ،پرتگالی اور ترکی زبان یا ان کے انگریزی تراجم سے تقریبا ناواقف ہیں، اسکا مجھے تارڑ صاحب کا مضمون پڑھنے کے بعد مزید شدت سے اندازہ ہوا لہذا آپکا دوبارہ بہت شکریہ

تبصرے کا شکریہ برادرم حیدرآبادی، اگر آپ ان اخبارات کے تراشہ جات کو اپنے بلاگ پر چھاپ سکیں تو بڑا اچھا ہوگا کہ عام مطالعے میں آسکیں، امید ہے اس میں کوئ کاپی رائٹ کی قباحت نا ہوگی۔
یوسفی صاحب نے بھی اس مردہ پرستی کے رجحان کے بارے میں لکھا ہے، ہم اکثر کلاسیکی و ترقی پسند لکھاریوں کے فسوں میں اسطرح گرفتار رہتے ہیں کہ اپنے دور کے مصنفین کے نام تک نہیں پتا ہوتے۔ اگر موجودہ دور کے لکھنے والوں کو انکی ذندگی میں ہی پذیرای مل جاے تو کیا بات ہے۔ ہمارے یہاں کراچی میں افکار نکلا کرتا تھا، وہ بند ہوگیا۔ اب اردو کے دیار غیر میں تو ادبی رسائل کو ترستے ہیں۔ قیصر تمکین صاحب کا ذخیرہ الفاظ ماشااللہ نہایت خوب تھا، اللہ تعالی انکی مغفرت فرماے۔

ان کتابوں اور مصنفین کا تذکرہ میں نے مستنصر حسین تارڑ صاحب کے کالم “کارواں سراے” میں پڑھا تھا
اس میں ہندوستان ،۔جاپان اور دیگر زبانوں میں لکھنے والے کچھ مصنفین اور ان کی کتابوں کا تذکرہ ہے
ہم عموما اردو، انگریزی، فرانسیسی اور روسی ادب جو اردو میں ترجمہ ہو ہے اس سے تو واقف ہیں لیکن جاپانی ،پرتگالی اور ترکی زبان یا ان کے انگریزی تراجم سے تقریبا ناواقف ہیں
مجھے امید ہے کہ آپ یہ درخواست قبول کرلیں گے
ان کتابوں کا تذکرہ نیچے دیے گے ربط میں موجود ہے
http://www.akhbar-e-jehan.com/Jan2012/16-01-2012/goshaeadab_3.asp
http://www.akhbar-e-jehan.com/Jan2012/09-01-2012/goshaeadab_3.asp
شکریہ