7 Comments to “قرارداد سال نو – ۵۲ ہفتوں میں ۵۲ کتابیں”

You can follow all the replies to this entry through the comments feed.

1. علی
   January 24, 2012 at 1:13 pm | Permalink

   بہت عمدہ
   ہماری دعاعیں آپ کے ساتھ ہیں
   پر سوال یہ ہے کہ یہ کتابیں آئیں گی کہا ں سے،
   ہم تو سال میں دو تین سے زیادہ خرید نہیں سکتے اور ہمارے ملتان شریف میں کوئی ایسی لائبریری بھی نہیں

   Reply
   • علی
     January 24, 2012 at 1:15 pm | Permalink

     اور آپکی لسٹ پر تھوڑا اعتراض یہ ہے کہ اردو ادب کی فقط ایک کتاب اور بھی عصمت چغتائی کیوں؟

     Reply
   • ابو عزام
     January 24, 2012 at 10:43 pm | Permalink

     علی صاحب، تبصرے کا شکریہ۔
     ان میں سے بیشتر کتابیں ہمارے ذاتی کتب خانے میں موجود ہیں، باقیوں کے لیے امیزن اور قریبی لائبرری سے مدد لی جائے گی جہاں یہ کتب سستے داموں مل جاتی ہیں۔ کراچی میں اگر کسی ادب شناس ٹھیلے والے سے یاداللہ ہو تو بڑا فائدہ ہوتا ہے، ارزاں کتب مل جاتی ہیں اور پڑھ کر آدھی قیمت پر واپس بھی۔
     تنقید کی موت، کلیات عصمت چغتای اور مجموعہ مشتاق احمد یوسفی تینوں ہی اردو ادب کی کتابیں ہیں۔ عصمت اس لئے کہ قیصر تمکین صاحب نے ان کے افسانے کے الفاظ کی کاٹ کا موازنہ عصر جدید کے ایک تنقیدی مجموعے میں چھپنے والے ایک مضمون پر ازراہ تمسخر کیا تھا، تو دل میں آئی کہ عصمت کو پڑھے عرصہ ہوا، کچھ ترقی پسند ادب دوبارہ بھی پڑھ لیا جائے۔

     Reply
2. عثمان
   January 24, 2012 at 7:42 pm | Permalink

   بہت خوب عدنان صاحب۔
   کسی زمانے میں میں نے بھی فہرست مرتب کرکے مطالعہ کا سوچا تھا۔ لیکن پھر وہی معمول کی غیرضروری مصروفیات زندگی آڑے آگئیں۔ اب تو مہینے دو مہینے میں ایک ہی کتاب مکمل کرنے کی توفیق ہوتی ہے۔ سوچتا ہوں کہ اچھا سا ای ریڈر خرید کر مسلسل مطالعہ کی عادت ڈالوں۔ خوش نصیب ہیں آپ اگر آپ اپنا سالانہ ٹارگٹ مکمل کر لیتے ہیں۔
   ایک سوال ۔۔ یہ مبارک حیدر کی کتاب آپ نے کہاں سے حاصل کی؟ کیا پاکستان سے منگوائی ہے یا پھر یہاں کہیں دستیاب ہے ؟

   Reply
   • ابو عزام
     January 24, 2012 at 11:06 pm | Permalink

     تبصرے کا شکریہ عثمان صاحب۔ آپ سے شکایت رہےگی کہ بہت کم لکھتے ہیں۔ اچھے لکھنے والوں کو مشق کرتے رہنا چاہیے، غالب کا مشورہ ہے۔ 🙂
     ہمارا کنڈل ریڈر یہاں میز پر اداس بیٹھا ہوا ہے، کیونکہ وہ جو قدامت پسندی کی عادت ہے کہ جب تک مردہ درختوں کے کان نا مروڑے جائیں تو پڑھنے کا مزا نہیں آتا، وہ چھٹتی نہیں۔ باقی یہ کہ پڑھنے میں اچھا ہے، ہم نے اس پر بھی ایک دو کتابیں پڑھنا شروع کی تھیں، آپ بھی دیکھیں شائد پسند آے، نک سے تو بہت بہتر ہے۔ لیپ ٹاپ یاآی پیڈ کی اسکرین کے برعکس کنڈل کی ای انک کا پڑھنا، اصل کاغذ سے نسبتا قریب تر ہے۔
     مغالطے مبالغے میں نے کراچی میں البلال بک سینٹر سے لی تھی۔ یہاں تو تلاش کے باوجود نہیں ملی اور اس کے ای ایس بی این 9789695930274 کا کوئی سراغ نہیں ملتا۔

     Reply
3. فیصل
   January 27, 2012 at 7:37 am | Permalink

   حضور کمال کی بات ہے اگر آپ ایک کتاب ایک ہفتے میں پڑھ ڈالتے ہیں اور اس سے بھی بڑا کمال ہو گا اگر یہی رفتار پورے سال رہتی ہے تو۔
   (-:
   میرا انداز بالکل مختلف ہے، میں کتاب کے چننے میں بہت دیر لگاتا ہوں لیکن پھر اس کے ایک ایک فقرے پر بریک لگ جاتی ہے، ختم کرنے کی جلدی بالکل نہیں کرتا بلکہ کوشش کرتا ہوں کہ ختم ہی نہ ہو۔ ایک آدھ کتاب ایسے بھی پڑھ کر دیکھئے۔ آپ کی فہرست میں کئی ایسی کتب ہے جن کو جیا جا سکتا ہے، کئی دن، ماہ اور سال۔
   مبارک حیدر غالباً وہی تہذیبی نرگسیت والے صاحب ہیں اور یہ انکی دوسری (مشہور) کتاب ہے۔ میں نے دونوں نہیں پڑھیں کہ پہلی کا ناہم ہی اتنا واہیات لگا کہ چھوڑ دی۔ محمد حنیف کو بھی شاید کالم کی حد تک ہی برداشت کر پاؤں۔ کیرن آرمسٹرانگ اور طارق علی کو پڑھنے کی خواہش ہے البتہ۔
   آپ نے ممتاز مفتی شفیق الرحمٰن، اشفاق احمد، منٹو، انتظار حسین، شوکت تھانوی، وغیرہ وغیرہ کو فہرست میں ہی نہیں رکھا؟
   میری مانیے تو انگریزی کلاسیکی ادب کو نکال کر انکو رکھ لیجئے۔ اشفاق حسین کی جگہ کرنل محمد خان شاید بہتر رہیں۔
   ایڈورڈ سعید، چومسکی، وغیرہ بھی دکھائی نہیں دیے اور لیو ٹالسٹائی کہاں ہے؟
   دو ایک دن عائشہ صدیقہ کی ملٹری انکارپوریٹڈ کو دیجئے اور عمران خان کی کتاب کا کنڈل ایڈیش لیجئے تو مجھے ضررو بتائیے گا
   (-؛

   Reply
   • ابو عزام
     January 30, 2012 at 9:38 pm | Permalink

     پر مغز تبصرے کا شکریہ فیصل صاحب۔
     آپ نے جو کتاب آرام آرام سے چبا چبا کر ہضم کرنے اور پھر جگالی کرنے کی بات کی ہے وہ بلکل درست ہے۔ایسے ہی پڑھنے میں مزا آتا ہے۔ لیکن مقدار و معیار کی اس دوڑ میں ہم نے سوچا کہ کچھ عرصے کے لیے مقدار کو پیمانہ بنا کر اس ٹریڈ آف کی صورتحال ملاحظہ کرتے ہیں، دیکھیں کیسی گذرتی ہے۔
     ہر ہفتہ ایک کتاب ختم کرنا اتنا مشکل نہیں اگر آپ اسے وقفے وقفے سے پڑھیں، بعد فجر، کھانے کے وقفے میں، سونے سے پہلے، اگر ایک معمول بنا لیا جاے تو رفتار بھی بڑھ جاتی ہے اور کتاب بھی ختم ہوجاتی ہے۔ لیکن برا ہو ان کتابوں کا جو زرا نیچے رکھنے دل نہیں چاھتا، ان سے جدای سخت ناگوار ہوتی ہے۔
     مبارک حیدر صاحب کی کتاب کل رات ہی ختم کی ، انہوں نے اپنی پچھلی کتاب کی کئی باتوں کو دہرایا ہے لیکن پھر بھی اردو میں واضع طریقے سے مدلل اختلاف راءے رکھنے والے لوگ کم ہیں لہذا حالانکہ میں انکی بیشتر باتوں سے نالاں ہونے کی حد تک اختلاف رکھتا ہوں لیکن انکی تصانیف ‘دوسری طرف’ کی سوچ کی اچھی عکاسی کرتی ہیں۔ آپ تو خیر صاحب علم آدمی ہیں لیکن تہمت الیٹسٹ کے بوجھ تلے کہتا ہوں کہ عام قاری جس نے اسلامی ریاست اور اسکے اصول و مبادی کی طرز کا لٹریچر نا پڑھا ہو، اسکے لئےشائد یہ کتاب مناسب نہیں۔
     ممتاز مفتی شفیق الرحمٰن، اشفاق احمد، منٹو، انتظار حسین، شوکت تھانوی،ایڈورڈ سعید، چومسکی، ٹالسٹاے وغیرہ وغیرہ انشااللہ اگلے سال، بشرط زیست ۔ اس مرتبہ میں نے فکشن پر توجہ دینا کا سوچا کہ پڑھنا نسبتا آسان ہوتا ہے۔
     عائشہ صدیقی کی ملٹری انک شروع کی تھی، پھر یہ بار گراں چوم کر چھوڑ دیا۔ انداز بیاں غیر دلچسپ، دقیق و ضخیم، اتنے وقت میں میں کوئ نصاب کا تحقیقی مقالہ نا پڑھ لوں، کہ چلو پروفیسر ہی خوش ہوجاے۔
     کنڈل کتاب تو آپ راشد بھائ سے لیں، میرا کنڈل تو عدم استعمال کے باعث تنہای و ڈپریشن کا شکار ہے۔ عمران خان کی کتاب بہرحال کراچی سے لی تھی اور آدھی ختم کی ہے مکمل کرتا ہوں تو بتاتا ہوں لیکن ابھی تک تو ڈریمز آف مائ فادر اور ہز ماسٹرز وایس کا ملغوبہ ہی ہے کہ طرز تخاطب محترم کا براے مغربی قاری ہے، پاکستان کا غریب عوامی انقلابی مخاطب نہیں۔

     Reply

1. By on January 30, 2012 at 12:32 pm
2. By on March 27, 2012 at 6:49 am

Leave a Reply